個人認為，只要美聯儲開啓減息週期，並配合美國和香港推出穩定幣，將引發史無前例的幣股炒作，當中無論中美的股票都會狂升，特別是金融版塊；而港股，我極看好匯豐。
原因是這企業不斷在整固服務，專注拓展具可觀利潤的項目。特朗普搞對等關稅，佢老人家就意氣風發，但苦了美國國內的中小企，於是，滙豐銀行見這些中小企業銀行業務賺錢不多，甚至隨時走數，都唔同佢地守落去，賣盤走人，而較優質既客戶，就合併到其他部門，相當精打細算。
我好欣賞匯豐當下呢個執行長艾橋智，自去年執掌，大刀濶斧，削曬d重複又無謂既職位，持續推動業務重組，將資源集中喺最賺錢既市場同產品線。
艾橋智更非常關注各地日益嚴格的合規要求，譬如佢發現私人銀行喺瑞士金融監管機構既審查下未能充分進行風險管理，就索性摺埋避開呢d風口位，結束超過1,000名中東客戶（包括沙特阿拉伯、黎巴嫩、卡塔爾和埃及等國家）既業務。
一句講曬，滙豐總部雖位於倫敦，亦是歐洲資產規模最大的銀行，但呢一兩年陸續退出部分唔賺錢既歐洲市場，持續聚焦喺香港同亞洲各地巿場，我認為係做對了事情，而且會食正今次股幣大升浪，升個不停！
即使匯豐最終不大升，還可收息，根本無得輸，極穩陣！呢個亦係港股可愛之處，在大升市下，財息兼收！
匯豐升到$120，年底前該見到。
