我一向極抗拒作出任何加密貨平台使用之建議。
如果你懂做生意，數口精，你就心中有數，經營加密貨幣平台根本就不好做，若這些加密貨幣平台只做虛幣的出出入入來賺取佣金收益，而又只收2-3個百份點，根本無得做，蝕死！以前有間叫Tidebit既OTC平台，由昔日店子在海港城，做到後來只在佐敦街頭開鋪，再其後也難逃結業收場，你就知搵食艱難。
香港受監管的加密貨幣平台之佣金收費，絕不便宜，但我絕對理解，本身營運成本已高，它們還要多一筆應付政府監管的費用，就算收五六個點子佣金都要蝕本，真係蝕住做，只不過它們要謀求未來的發展，想在香港插旗，燒錢都無辦法。
我保守估計，若佣金無10%以上，一個去中心化且不受監管的加密平台，根本無利錢可言。所以，這些平台，必做「質押」，甚麼叫「質押」，咪啫係用加密貨幣做定期咯，這些平台美其言拿這些加密貨幣放給去中心化交易所（DEX）做生意，從而收取回報再比返息客戶，都唔知真定假，就算係，又賺得幾多！可以幫手圍皮嗎？如果居然還可以十幾廿釐高息吸引質押，根本無可能，呢d平台根本已預示，它們遲早拿走你質押的加密貨幣，遠走高飛。
所以，我對那些佣金收得極低的平台，而又積極以高息招徠質押，極有誡心。正因如此，年多前我對Wirex 已極有誡心！尤其是它的客服極為惡劣，且處理香港業務的註冊office不再是英國，而是在新加坡。
只可惜問你那個加密貨幣平台「好」的人，他們根本不明當中的兇險；而且，他們本身就很「貪」，真係由佢地問既問題，就知佢地係乜野人！我仲咁答你！
我認為提問的人，除了錯誤地用中心化腦子投資去中心化資產外，本身亦是極貪之人，不會理人家營運皮費，最好你一蚊佣金都唔好收，我賺晒！當他們嚷著：「嘩，d平台收既服務費都幾貴bor！」叫你建議，潛台詞係問：「有無D平台佣金平到好似股票賣買咁幾乎唔駛收佣金咁？」
梗有架！不過隨時出唔到金gar ma！你要博，自己網上google search 啦！大把呢d平台。
我才不會答這種問題，天下無免費午餐，一分錢一分貨！在去中心化生態裏，你能享受太便宜的服務又或太易賺的錢，對方平台必另有圖謀，最終挾錢走佬居多，我才不會做這禍心作介紹，過程中我又唔係有乜野著數，點解要做呢D吃力不討好的事，自討沒趣。
深知呢D陷阱的人，有時因為某隻原生幣只有某個平台才有得交易，才焗住幫襯，但必定少量，且一買到即調出到自己的錢包中，絕不會多留資產在這些平台上。他們更深明，上得山多終遇虎，總有一次交易會被吃掉，所以每次必小量，以求自保。
正如昔日施永清曾說，港人口說不愛社會主義，但行為就極社會主義，甚麼事也希望政府幫。有些投資加密貨幣的人，心態亦如是，見去中心化資產價格升幅驚人就唾唌想投資，但卻希望中心化來保護，是想通贏！
世界有咁美好咩！
