世田谷被譽為東京最高級的住宅區之一，走在這樣的住宅區，你會看到一個奇怪的角落，整個區域像森林一樣被樹木覆蓋著。
透過樹蔭，終於可以一睹這些豪宅嘅廬山真面目，當中有一座建築物特別宏大，根本就看不到裡面，毫無疑問，這是一座在高級住宅區中的超級豪宅，面積超過600坪(約21,350呎）
「在江戶時代，這片土地是由幕府直接管轄的。我哋家族世世代代繼承著這片土地，而我係第十七代當家；包括租給別人的部分，總面積大約有2,400坪(約85,400呎）。」屋主說。
一走進屋內穿過玄關係一間接近400呎的和室，加上那特別訂製的大玻璃窗，首先映入眼簾的是外面的一片鮮綠；彷彿森林般的日本庭園甚為壯觀，而繡球花更為那些老松樹增添了色彩。
「松樹和其他樹木唔可以冇人打理，所以我哋大約每年兩次，每次大約需要五個園丁來進行幾天的大規模修葺。」
當然費用亦好誇張，屋主笑道「每年的維持費需要七位數，像這種規模的庭園每年大概要500萬日元(27.5萬港元）維護費。」
屋主續說：「當你見到好似我哋喺東京擁有一大片土地嘅人時，你可能會好羨慕，但事實並非如此。為咗守護著呢片土地，我哋一直都非常苦惱」。
戰後不久便出現咗第一個困境，當時土地改革和資產稅令佢哋失去咗一部分土地。
「喺70年代上任繼𠄘人去世時，當時這塊土地嘅地價約每坪8萬日元，但遺產稅估值約為25萬日元，高於市價3倍。而且當時的稅率係70%，我唯有賣地交稅。就咁樣，我哋就失去咗一半嘅土地。」
令人驚訝嘅係，賣地交稅冇咗一半之後，屋主仲有2400坪(約85,400呎）嘅土地。但遺產稅的夢薨並沒有因此結束，屋主續說：
「80 年代泡沫經濟時期我哋同樣過得好艱難。80年代的房地產泡沫，土地價格飆升至每坪500萬日元左右（約$7,728/呎）周圍啲人以為我哋賺到笑，但對於我哋呢啲想要守護土地的人來說，固定資產稅上漲的日子簡直就係地獄。
大約就喺呢個時候，我身邊有很多人向銀行借了數億美元，在農村購買了大量廉價土地，其目的係想降低遺產稅估值。但隨著泡沫經濟的瓦解，農村地區的土地幾乎已不值一文，到最後佢哋剩低嘅只有巨額債務。結果好多人都放棄咗繼承祖傳嘅土地。
幸運嘅係因為我工作太忙，冇時間處理遺產，所以先能夠保留到這塊土地，你話幾諷刺呢！經過這次經歷，我意識到那些為咗節省遺產稅嘅對策係毫無意義嘅。
當然，資產稅至今仍然困擾著我哋。估計每年大約要交3000萬日元（165萬港元），這無疑係一個巨大嘅金額。」
似乎，呢間租屋令佢地世世袋袋多煩憂！
「我哋出租咗一部分土地，雖然有土地租金收入，但交資產稅時就用曬了，所以我哋手頭上根本無錢。
所以我從來冇享受過什麼。我不喝酒，不抽煙。我奉獻一生去守護著這片土地，甚至沒有出國旅遊。要說唯一的奢侈可能就係重建咗呢間木屋，因呢間木屋已經有70多年歷史，太殘舊了。
身邊啲人成日講，既然你處境咁困難，不如賣曬啲土地去。但當我想起我的祖先，我就有一種強烈的使命感，在我這一代不能失去土地。
有次，我問個孫佢嘅夢想是什麼時，佢回答「冇」。我問佢為什麼時，他說：「因為我將來必須接管這片土地。」佢這個回答令我很震驚。那刻我深深感受到在這個家族出生和長大的宿命。」
宿命如斯，無話可說。
