今晚，我會清空美科技股，上星期匯豐賺得不錯，贏了場大仗；今晚美股是小仗，我認輸，亦必須要輸，再者，我輸得起。
美AI科企借錢已借到失常！不斷投放巨額資金於數據中心的建置，金額是天文數字，今年它們這方面的支出高達 4,000 億美元，但合計收入只得600 億美元，還未計其他成本，咁d錢點嚟？咪同人借囉！
好似Open AI咁，佢明年唔上市真係會破產！先承諾向甲骨文採購 3,000 億美元算力、再向亞馬遜採購 380 億美元，又向 CoreWeave 採購 220 億美元運算服務，咁Q多億，但生意仲係蝕本，仲話要蝕到2029年，點頂得順！負債累累是必然！
根本各大科企為左建置人工智能基建，已經狽左好多債，喺資產負債表之所以見唔到，係因為佢地又用另一種名目出「次按」嗰招，利用所謂「特殊目的載體（SPV）」，與私募股權公司合作，以獨立法律實體代為借款，將鉅額債務隱藏左；跟住又打算將數十億美元的數據中心債務切割成「投資產品」，打包出售給投資者，所埋下的危機，根本同十幾年前金融海嘯的次按一模一樣！，
而家市場已洞悉到，資金仲唔走人咩！
唔好比我批死，美國未來一年點解要來個超級量寬，就係美科企為爭算力規模而狽重債所闖的大禍。
但呢個禍，仲未係我心目中估量著的金融核爆，更惡劣既，還在後頭，發生在後年。
