特朗普向全天下左禁右禁，各國今回不像八年前被他殺個措手不及，大家已有部署，不會逆來順受，紛紛作出反制，準備來個同歸於盡！
有些分析員，認為美股近日下跌之勢只是略為調整，不會跌得深；我認為，跌得深與否，就要看特朗普何時停止這左禁右禁的玩意，一日佢老人家仲玩得開心，美股就要反覆持續下跌，而黃金則循相反方向走。
國際貿易少左，各國內卷，咁要咁多美金做乜！你美國自己用返啦；於是，資金就有趨勢走去他處，黃金是好選擇！
2018年是全球一體化的最高點。在此之前，環球經濟要合力應付2008年的美國爆發的金融海嘯，大家積極通商之余又狂印銀紙，令環球資產價格狂飈，就是香港這個小小城市，樓價竟翻了數翻，貴得嚇人。
那時，資金有好去處，黃金就獨憔悴，足足有五六年處於閹悶期，浮浮沈沈在1200-1400美元區間；直至2018年後，才開始反覆上升，近一年更持續破頂；無他，資金沒有好去處囉！就找黃金來躲躲。
環球資產輪流炒，炒了十多年股、樓和加密貨幣，量寬一停，呢d資產價格都要縮，有d錢央行收返，有d錢，要搵地方落腳，咁梗系搵d喺2008-2018年價格無處於高位的資產，唔通明知美股跌仲去接貨咩！咁雲雲咁多資產，只得黃金喺低位，咪走去嗰處泊住先咯。
我認為，一日特朗普仍在左禁右禁，唔識收，搞到國際氣氛鬼咁緊張，各國敵對多了，一時擦槍走火，打起杖上泥都話唔埋，市場系有擔心既；而戰亂時除了環球貨幣系統會癱瘓外，網絡都要停，加密貨幣亦運作不了，咁黃金就有大用！穩陣起見，大家都買返幾條金條打下底，咁個個買，需求唔野少，咪推升金價咯！
只要美國關稅持續，其他國家又持續反制，你來我往下，金價就會繼續攀升，往上破頂。
