由我年青時學經濟學到而家學習電腦編程，都見到好多相關的解說，真係睇到你眉頭都皺起，內容術語多多，背景又不交待清楚，故作深遽，明明可用好簡單既文字表達個意思，但偏偏就用上d似是而非既外星文，非常討厭！
Solana 既proof of history 就係一個典型例子！
要了解呢個挖礦證明，你先要知道比特幣條鏈點解效率咁差。第一，每區塊只得1MB 容量，最多可儲存4096 個交易，太少啦！即使出現左隔離見證，搬左部份交易資料去左側鏈到，以現時比特幣交易既活躍度，條鏈運行仍好低效率。
第二，另一個死位令比特幣條鏈低效率既，就係每十分鐘先出一次區塊，出密D都唔得，因為要有足夠時間比所有礦工節點check清楚條錬有無比人搞過過往記錄同確認當下交易數據的真偽。
咁有乜方法唔駛各節點check 咁耐而又穩陣呢？
就係唔使d節點check條鏈咁多數據，特別係有無比人搞過d過往記錄。
咁節點點知過往紀錄有無比人搞過，好簡單，比特幣每個區塊嗰header 都有串hash number ，任何「已生成」區塊一旦內容改動，都會對呢d過往「已生成」區塊既hash number 有串連式既更改，可謂牽一髮動全身，所以一有人搞過條鏈d數據，實知！
咁如果呢個向過往牽連的hash number ，可牽連埋「未生成」區塊既Hash number，咁節點咪可以唔駛check 過往交易咯，於是就有proof of history 出現啦！各節點先share 同一個時鐘（比特幣係各節點依佢地自己部電腦既時間，無統一標準），跟住由相同既real time generates 將要生成既區塊既hash number ，咁咪得咯！一比人搞條鏈，就不只過去數據，就連未來hash number 都郁埋，咁節點只要依呢個時鐘所派既hash number ，就唔駛check 過往資料，只須肯定當下新區塊的所有交易，確認時間就慳左好多，一分鐘都可以出好多區塊囉！
Proof of History 就係咁簡單！
